Klúður hjá Villa...

Mikið svakalega var ég fúll með að missa þennan leik niður í jafntefli í gær. Ég var ekki bjartsýnn fyrir þennan leik því að Villa hefur aldrei getað neitt á Anfield og þegar þeir hafa verið með forystu í leikjum þarna klúðra þeir því alla jafnan niður í jafntefli eða skíttap. En þegar ég sá hungrið og ástríðina hjá leikmönnum Villa í seinni hálfleik að vinna þennan leik þá hélt ég að þetta yrði sko okkar dagur. Mér fannst Nigel Reo Coker alveg magnaður í gær, þvílík barátta var í honum og hann tapaði varla tæklingu þarna á miðjunni. Loksins skil ég af hverju Villa keypti þennan leikmann á 8m punda, þvílíkur kraftur var í honum í gær. Einnig fannst mér Harewood koma sterkur inn í leikinn og eins var ég mjög ánægður með Curtis Davis, Mellberg og Laursen í vörninni. Þeir stoppuðu allt sem kom nálægt teignum sem gerði það að verkum að Liverpool fékk varla almennilegt færi í þessum leik. Ashley Young var vonbrigði í gær og munar um minna.

En ég hélt virkilega að við myndum labba útaf af Anfield með 3 stig sem hefur ekki gerst lengi. Það er komið mikið sjálfstraust í Villa liðið í dag en það hefur vantað í mörg ár og þetta sást vel í gær. Ég er búinn að jafna mig á þessu jöfnunarmarki sem Crouch vitleysingur skoraði og lít bjartsýnum augum á framhaldið og loksins er gaman að vera Villa maður :) .....Martin O Neill er náttúrulega einn besti manager í heiminum í dag. Hann er svo mikill motivator og stemmningskarl...Vona að við missum hann ekki frá okkur í bráð.

Ég hef smá taugar til Liverpool enda bróðir minn MIKILL Poolari. Mér finnst þeir vera í krísu í dag og það er auðvitað útaf öllum þessum sögusögnum um klúbbinn. Það er aldrei gott ef að klúbbar er mikið í sviðsljósið útaf öðru en frammistöðu liðsins inná vellinum. Það sem hefur líka plagað klúbbinn síðust ár að mér finnst þeir aldrei vera að kaupa heimsklassa leikmenn heldur einungis góða leikmenn en þetta hefur aðeins verið að breytast með tilkomu Torres. Ég vona þeirra vegna að öll framtíð klúbbsins mun komast á hreint og menn geta farið að einbeita sér að fótboltanum. Mér finnst hinsvegar Benitez vera í smá tilvistarkreppu með klúbbinn. Finnst þeir ekki vera með stöðugleikan til að keppa um enska titilinn við Arsenal, Chelsea og Man.Utd.

Jafntefli hjá Liverpool og Aston Villa

Athugasemdir

[Birkir Holm Guðnason (IP-tala skráð) 22.1.2008 kl. 13:34]

Farðu að halda með almennilegu liði, það geta öll lið í deildinni unnið Liverpool :-)

Það er bara eitt lið sem hefur unnið nánast allt síðustu 20 ár, varaliðið þitt :-)

Hilsen

BHG