Mugi, tíska og bolti...

Langt síðan síðast en maður hefur verið latur uppá síðkastið að skrifa á bloggið. Ég dáist að þeim sem að uppfæra bloggið sitt með reglulegu millibili, this is hard shit…Svo sem ekki mikið gerst uppá síðkastið til að vera að blaðra eitthvað um. Fór reyndar á Mugison tónleikanna í Vega þann 2. Febrúar síðastliðinn og það var alveg CRAZY gaman. Bandið sem hann er komin með er alveg hrikalega cool og krafturinn og greddan er alveg svakaleg. Ég sá nokkrar dömur þarna liggja á rennandi blautu gólfinu eftir tónleikanna sem var frekar vandræðanlegt....Efnið sem hann er með er líka alveg dúndur...Ég spái Muga vini mínum bjarta framtíð og vona að hann eigi eftir að sigra heiminn á næstu mánuðum á vikum þó svo að það sé harla makmiðin hjá kauða.. 

Annars er Helga að fara yfirum þessa daganna á Copenhagen Fashion Week og þramar hún sýninganna á milli með nýju myndavélina okkar og fashion passan sinn. Ég er að spá í að fara með henni í kvöld og sjá nýju línuna hjá Andersen and Laut, svoldið gay en maður þarf að taka þátt í þessu með konunni. Sá í blaðinu um daginn að fatabransinn í Kaupmannahöfn er að verða gríðarlega stór hluti af landsframleiðslu þjóðarinar og telur nú um ca. 10%. Einnig er fjöldin af þeim sem vinnur við þennan geira að aukast rosalega á síðustu árum. Helga sagði mér að þegar hún útskrifaðist í fatahönnun héðan frá Danmörku fyrir ca. 8 árum síðan þá var lítið að gerast en það hefur svo sannarlega breyst. Það eru t.d. yfir 500 dönsk fatamerki á sýningunni í ár sem er met og þessi tískuvika orðinn einn sú stærsta í heiminum miðað við blaðamannafjölda og fleira sem tengjast sýningunni.

 

Á morgun ætla ég síðan að horfa á mína menn í Aston Villa taka á móti Newcastle og þetta er algjör skyldusigur hjá þeim. Þeir verða að vinna þennan leik ef þeir ætla að reyna að komast í 4. sætið en þeir skitu á sig á móti lélegu liði Fulham. Ég spái því að þeir hristi af sér þetta slen og vinni 2-1 með mörkum frá Agbonlahor og Carew. Reyndar spái ég vini mínum Kevin Keegan (spilaði fótbolta með honum einum fyrir aftan Hótel Loftleiða í gamla daga :) ) eigi eftir að rífa þennan klúbb uppúr meðalmennskunni.

Einnig þarf maður að sjá nágrannaslaginn í Manchester sem Man.Utd mun vinna auðveldlega því að þeir eru að spila fáranlega vel þessa daganna fyrir utan slysið á móti frábæru liði Tottenham sem eru by the way að spila vel.Mér hlakkar reyndar til að sjá búningana sem Man.Utd verða í en þeir verða til heiðurs snillingunum sem létust í Munchen 1958. Þeir verða t.d. allir í svörtum takkaskóm og það mun gera það að verkum að það mun mæða lítið á Ronaldo í leiknum. Hann er vanur að vera í svo gulum eða bleikum skóm að hann á það til að blinda andstæðinga sína þegar hann nálgast vítateiginn. Hann verður því tekinn útaf á 70 min og Tevez og Rooney munu skora í 2-0 sigri United.  Þegar ég sé fréttirnar á Íslandi þessa daganna er ég rosalega feginn að hafa tekið þessa ákvörðun að flytja til Kaupmannahafnar síðastliðið haust. Hef heyrt að þessi vetur heima sé búinn að vera alveg svakalegur, ég væri orðinn geðveikur enda verð í frekar geðvondur í svona leiðinlegu veðri og getað ekki gert neitt nema að hanga inni.........Hérna er rosalega fínt veður og veturinn búinn að vera rosalega góður.... Hilsen í bili...